بسماللهالرحمنالرحیم
وطنمز افغانستان، ینه فرزنداننی یوقدتقن اوچون سوگدا اوتیردور. بو سفر افغانستاننین شرق ولایتلریدا، خصوصاً کنر ولایتدا بولگان ویرانگر زلزلهنین نتیجهسیده، مینگدن ارتق وطنداشمز حیاتنی یوقدتلر و مینگلرچا انسان یارالنگندیر. افسوسکه، سزلشلرگه قاراقنده یوزهلرچا عزیز وطنداشمز حنوز خراوالار آستیده قالگاندیر. اویلر و آبادلیکلر ویران بولگان، کودکلر، آیللر و ارکلرنین امید و آرزولری خاک آستیده قالدور.
افغانستان اعتماد و ثبات جریان بو غمانگیز واقعهنی بوییک غم و اندوهبلن افغانستان خلقیگه، خصوصاً شرق ولایتلریدا زَرَر کؤرگن وطنداشلارمزگه تسلیت آیتدور.
افغانستان خلقی تاریخدا بارچاقسوز که، آغر و ویرانگر داملرده بیر-بیرلرگه همدردلیک و یارداملشیشنین تحسینلیک نمونهسینی کؤرسَتگاندیر. بو سفر هم بیز هر قیردا بولسک، بارچه امکان و توانمز بلن، عزیز وطنداشلارمزگه یاردَم قیلِش اوچون شتابلشیشمز لازمدور.
اعتماد و ثبات جریان وطنداشلارمزگه بولیاتقان یاردَمرسانی جریانینی دقت و اندوهبلن کؤزاتماقدا و مالی و معنوی یاردَملارنی دوام قیلماقدادیر.
بو جانسوز مصیبتنی بارچه افغانستان خلقیگه، خصوصاً دردمنْد و زَرَر کؤرگن وطنداشلارمزگه ینه تسلیت آیتامیز و بو واقعهدا جان بَرگنلر روحی اوچون دعا قیلامیز.
الله وطنمزگه سعادت و آراملیک آتسین.
افغانستان اعتماد و ثبات جریان