میر محمد آصف ضعیفی جنابلرینینگ چقیروو بیاناتی و مراجعتی
“افغانستاننینگ ایشانچ و برقرارلیک حرکتی” باشلیغی
بسم الله الرحمن الرحیم
حرمتلی وطنداشلر، عزیز دۉستلر!
تخمیناً یریم عصر دوامیده اوروش، ویرانهگرچیلیک، قشّاقلیک و امیدسیزلیک بیزنینگ عذاب چېککن خلقیمیز و عزیز وطنیمیز افغانستاننینگ تقدیریگه سایه سالدی. بو قیین و ناتینچ اۉن ییللیکلر نتیجهسیده افغانستان ایچکی ماجرالر، بېقرارلیک و کۉپ سانلی قیینچیلیکلر بیلن یوزمه-یوز کېلدی. ملی ایشانچسیز دېوارلری یوقاری کۉتریلیب، تعلیم، ساغلیقنی سقلش و اقتصادی تیزیملریمیز پراکنده بۉلدی. میلیونلب انسانلر حیاتدن کۉز یومدی، میلیونلب باشقه آدملر اېسه هجرت قیلیشگه مجبور بۉلدیلر. بوگون افغانستان دنیادهگی اېنگ کم انسانی رواجلنیش کۉرستکیچلریگه اېگه مملکتلردن بیریدیر: عمر کۉریش اوچون امید کملیگی، اۉرتهچه درآمد، سوادخوانلیک و مشغولیت درجهسی جدّی قویی درجهدهدیر.
نتیجهده بیز ملی معیاری شرطنامهلر و عمومی ملی منفعتلر انیقلاویگه اېریشه آلمهدیک. بیر ملت و دولت صفتیده ملی منفعتلریمیزنی انیق بېلگیلهی آلمهگن حالده، بیز تشقی سیاست، اقتصادی رواجلنیش و سودا سیاستینی شکللنتیره آلمهدیک. نتیجهده، اۉتگن یریم عصرده بیز دولت تۉنتریشلری، رژیملرنینگ رادیکالی اۉزگریشی، دولت باشقروو تیزیملرینینگ یېمیریلیشی و خلقارا و جهانی سیاستده بېقرار موقعنی باشدن کېچیردیک.
بوگونگی قیین وضعیت ایکّی سویهده، ایچکی مرکّبلیکلر و تشقی دنیا بیلن مناسبتلردهگی مرکّبلیکلرنینگ ایکّی تمانلمه نتیجهسیدیر. افغانستان هر کونی تاباره آرتیب بارهیاتگن کېسکینلیکلر بیلن تۉقنشماقده و منطقهده و دنیاده بېقرارلیک منبعی صفتیده کۉریلماقده. جیوپولتیک و جیواکونومیک قملده بۉلگن افغانستان بیرارته دولتده موجود بۉلمهگن درجهده کېسکین رقابت و تۉقنهشوو میدانیگه ایلنگن. منطقوی و منطقهدن تشقری هستوی دولتلر اۉز منفعتلری و رقابتلرینی افغانستانده تۉقنش کېلهیاتگن وضعیت یرهتدی.
عزیز وطنداشلر،
بوگونگی اېنگ مهم مسأله – “تیریکلیک اوچون کورهش”دیر. سوال شوکه: بیز تیریک قالیش، برقرارلیککه اېریشیش و گُللب-یشنش اوچون نیمه قیلیشیمیز کېرهک؟
بیزنینگ نظریمیزده، بوگونگی افغانستان هر قچانگیدن کۉره کۉپراق ایشلب چیقریلگن تفکرگه و عملی همکارلیککه احتیاج سېزماقده. بیز ایچکی برقرارلیککه اېریشیش و افغانستاننی ایشانچلی و نفوذلی بیر دولت صفتیده منطقوی و خلقارا درجهده تن آلیش اوچون قطعیتلی حرکت و دانا سیاستگه محتاجمیز. بو یۉل قیین، اما ممکن. افغانستان و عذاب چېککن انساننی قوتقریش بیز همهمیزنینگ، اینیقسه، ضیالیلر و فکر صاحبلرینینگ وظیفهسیدیر.
شو مقصد و امید بیلن “افغانستانده ایشانچ و برقرارلیک حرکتی” تشکیل اېتیلدی. بو حرکت فدایی و وطنپرور اۉغلانلر، یخشی اۉی و اېزگو عمللر اېگهلرینینگ بیرگهلیکدهگی سعی-حرکتلریدن توغیلدی. بیز نینگ اساسی تمایلیمیز – ایشانچ آرقهلی برقرارلیککه اېریشیش.
“افغانستانده ایشانچ و برقرارلیک حرکتی” قوییدهگیلرگه صادقدیر:
_ اسلامی و یگانه افغانستاننی سقلش؛
_ سیاسی مستقللیک، ملی حاکمیت و بوتون حدودلیکنی اسرهش؛
لازم کۉرینگن قوییدهگیلرنی تأکیدلهگن حالده:
_ عامهوی روشده قبول قیلینگن و خلق احتیاجلری اساسیده توزیلگن اساسی قانوننی شرطسیز حرمت قیلیش (مستقل قضاییه حاکمیتینی اۉز ایچیگه آلگن حالده)؛
_ شهروندلرنینگ حقوق و اېرکینلیکلرینی هر قندهی کمسیتیشسیز حمایه قیلیش؛
_ موازنتلی و برقرار ترقیاتنی تأمینلش؛
_ کېنگ سیاسی اشتراکنی تأمینلش؛
_ اجتماعی و قضایی عدالتینی تأمینلش؛
_ قانون استوارلیگینی مستحکملش؛
_ مقصدلی و ثمرهلی تعلیم تیزیمینی یرهتیش؛
_ بغریکېنگلیک و اۉزارا حرمت مدنیتینی رواجلنتیریش، شخصی و جماعهوی خوفسیزلیکنی کفالتلش.
بیزنینگ تشقی سیاستدهگی اساسی یۉنهلیشیمیز: تینچلیکپرورلیک و ماجراسیز همکارلیککه اساسلنگن منطقوی و خلقارا علاقهلرنی مستحکملشدیر.
اۉتگن بیر ییل دوامیده “افغانستاننینگ ایشانچ و برقرارلیک حرکتی” ایچکریده و چېت اېلده کۉپلب سیاسی، علمی و مدنی شخصلر بیلن علاقه اۉرنتدی و اۉز اساسی فکر و فعالیت یۉنهلیشلرینی اولر بیلن اۉرتاقلشدی.
بیز شوندهی ایشانهمیزکه، افغانستان منطقوی و خلقارا جنجاللر مرکزیدن چیقیب، جیوپولتیک امکانیتلرگه اېگه دولتگه ایلنیشی ممکن. تشقی سیاستده اقتصادی اساسلنگن و منطقوی همکارلیککه اساسلنگن عملی تشبثلر بیلن خوفسیزلیک و اۉزارا ایشانچ کفالتلرینی یرهتیش ضرور. شو یۉل بیلن، افغانستاننی خلقارا همجمعیت سازمانینینگ خوفسیزلیک کېنگشی تامانیدن رسمی تن آلینیشی و خلقارا کفالتلر بیلن مستحکملش ممکن.
بیز ایشانهمیزکه، افغانستان خوفسیز، بېطرف و اقتصادی مرکز دولتگه ایلنسه، بو نهفقط افغانستان اوچون، بلکه منطقه و بوتون دنیا اوچون اوروش و انقراض منبعلرینی اۉچیریب، تینچلیک و برقرارلیکنی مستحکملهیدی.
عزیز وطنداشلر!
ملی عمومی ییغینیش، «افغانستاننینگ ایشانچ و برقرارلیک حرکتی»نینگ اۉنگدهگی مهم برنامهلریدندیر.
حرمتلی آپه-سینگیللر و اکه-اوکهلر،
قنچهلیک قیغو و امیدسیزلیک بولوتلری بوگونگی افغانستان آسمانینی قاپلهگن بۉلمهسین، کېلهجککه ایشانچ بیزنینگ یۉلیمیزنی یاریتیشی کېرهک. بیزنینگ تۉلیق اعتقادیمیز شوکه، حاضرگچه امکانیتلریمیز و قدرتیمیزدن فایدهلنه آلمهگنیمیزگه قرهمهی، برقرارلیک و ترقیات سری یۉل آچیق.
بیز افغانستان خلقینینگ و کېلهجک اولادلرینینگ فراوانلیگی اوچون، انسانی قدریتلریمیزنی حرمت قیلیش اوچون قطعی اخلاقی و وطنپرورلیک مجبوریتیگه اېگهمیز.
افغانستاننینگ “انسانی”نی سقلب قالیش و اونی حرمت قیلیش، بیزنینگ عمومی مقصدیمیز و آرزویمیز بۉلیشی کېرهک. بیز بو بویوک و عالیجناب آرزونی بیرگهلیکده عملیاتگه آشیرهمیز.
بیز بجریب بیلهمیز!
یشهسین افغانستان خلقی و بیزنینگ عزیز وطنیمیز!