«جریان اعتماد و ثبات افغانستان» حرکتی‏نینگ بیرینچی اساس سالووچیلر قورولتایی‏نینگ بیاناتی

بسم الله الرحمن الرحیم

«جریان اعتماد و ثبات افغانستان» حرکتی‏نینگ بیرینچی اساس سالووچیلر قورولتایی‏نینگ بیاناتی
31 سنبله و 1 میزان آیلری 1403 هـ.ش. تینگ 21 و 22 سپتمبر آیی 2024 میلادی،
هامبورگ – آلمان

اۉتگن سۉنگی بیر عصرده‏گی تجربه‏لر کۉرسته‏دی‏که، مطلق حاکمیت و زۉره‏وانلیک سیاستی، جمعیتده ناراضیلیک، انکار قیلیش، استثناء قیلیش و تشلب قۉییش حالتلرینی کېلتیریب چیقرگن بۉلیب، بو اېسه افغانستانگه برقرارلیک آلیب کېلمه‏گن. عینِ پیتده حاکمیت توزیلمه‏لریده بۉلیب تورگن گروهلردن باشقه سیاسی و اجتماعی حرکتلرنینگ ناراضیلیگیگه سبب بۉلگن.
شو باعث، «جریان اعتماد و ثبات افغانستان» بیر-بیرینی کوتیب آلیش، معامله و ملی بیرلشیشلرنی، – ملی مشترکلیک، اجتماعی عدالت، ملت توزیش و دولت توزیش‏نینگ اساس تملی دېگن ایشانچگه اېگه‏دیر.
تقدیر توزووچی و مهم هدفلرگه اېریشیش اوچون:
1. «جریان اعتماد و ثبات افغانستان» بیر ییغیناغ قوریلیشینی ایسته‏یدی و اونینگ پیامی «سۉزلشوو و مذاکره آرقه‏لی تفاهم و ملی کېلیشیشلر» بۉلگن.
2. افغانستانده‏گی موجود حاکملر، افغانستان‏نینگ حاضرگی قیینچیلیکلرینی برطرف اېتیش و کېنگ قمراولی سیاسی یېچیمگه اېریشیش اوچون، عالملر، آق‏سقاللر و فکر یېتکچیلری‏نینگ نظرلریگه جدّی دقت قیلیشلرینی اونده‏یمیز. بو یېچیم سیلاولر آرقه‏لی تشکیل اېتیلگن ملی حکومت بۉلیشی کېره‏ک، عین حالده، هر بیر اولوس‏‏نینگ تیلی و فرهنگیگه حرمت قیلینیب، اۉز منطقه‏سیده تعیین بۉلیب، ایشگه کیره آلسه‏لر.
3. افغانستان شهروندلری‏نینگ انسان حقوقلری و اساسی اېرکینلیکلرینی حمایه قیلیش، شهروندلیک قدریتلری و انسانپرورلیک تمایللرینی یۉلگه قۉییش، اېنگ اساسی و اۉتیم‏سیز وظیفه‏میزدیر.
4. مملکت باشقرووی و اداره‏لریده تېنگ اشتراک، مملکت بۉیلب عدالتلی و تېنگ امکانیتلر اساسیده فعالیت یوریتیلیشی لازم.
5. قانونی تیزیم سری اۉتیش، برقرار سیاسی توزوم و عموم‏خلق اشتراکینی تأمینلاوچی خوف‏سیزلیک و ترتیبنی مستحکملش مهم‏دیر.
6. «جریان اعتماد و ثبات افغانستان» کۉتریلگن اوشبو ملی اعتمادسیزلیک دیوارلریگه نظراً، جمعی یېتکرمه‏لر آرقه‏لی سۉز اېرکینلیگینی تأکیدلب، اجتماعی صحیفه‏لرده فعالیت قیلدیگن کیشیلردن، خشونت و باشقه‏لرنی قاره‏لش ادبیاتی اۉرنیگه بیر-بیرنی قبول قیلیش و کوتیش فرهنگینی رواجلنتیریشلرینی ایسته‏یدی.
7. «جریان اعتماد و ثبات افغانستان» اۉزینی کتّه ملی سۉزلشوولرنی ایجاد قیلیشگه تعهدلی بیله‏دی و افغانستان‏نینگ بوتون حزبلری، سازمانلری، سیاسی گروهلری، نخبه و روشنفکرلریدن ایسته‏یدی‏که، موجود اتفاق‏سیزلیکنی اۉرته‏دن کۉتریب، بیر-بیریلری بیلن کېلیشیب، اوشبو مشترک چتر آستیگه ییغیلیشسه‏لر.
8. «جریان اعتماد و ثبات افغانستان» فعال و طرف‏سیزلیکنی تضمین و تأکید قیلگن حالده، افغانستان‏نینگ اقتصادی منطقه‏ده یوکسلیشینی ایسته‏یدی، چونکه افغانستان‏نینگ بازاری منطقه‏ده ارتباط کۉپریک رولینی اۉینه‏یدی. شو آرقه‏لی امنیتی-جیوپولتیکی رقابتلردن چیقیب، امنیتی-منطقه‏یی رقابتلر اۉرنیگه منطقه‏ده اقتصادی یوکسلمه‏لرنی جایلشتیرسه‏لر.
9. «جریان اعتماد و ثبات افغانستان» افغانستان و منطقه دولتلری بیلن اۉز ارا ایشانچ، برقرارلیک، اۉز ارا حرمت و خلق ارا قانونلرگه اساسلنگن تینچلیکلی مراصه‏نی ترغیب قیلیش اساسی مقصدیدیر.
10. اۉتگن تجربه‏لر کۉرسته‏دی‏که، افغانستانده‏ برقرارلیک و تینچلیک یۉق بۉلسه، بو نه فقط منطقه، بلکه بوتون دنیا اوچون بې‏قرارلیک و تهدید کېلتیره‏دی. شو باعث، «جریان اعتماد و ثبات افغانستان» ملل متحدنینگ عمومی جماعه‏سیدن، امنیت شوراسیدن، خلق‏ارا تشکیلاتلردن، منطقه‏وی نهادلر و اسلامی همکارلیک تشکیلاتلردن ایسته‏یدی، اوشبو توزیلمه‏ بیلن همکارلیکده فعالیت یوریتیشگه اینتیلسه‏لر.